ວັດທະນະທຳລາວ
ໄດ້ຮັບຄວາມນິຍົມຊົມຊອບ ຈາກປະເທດອ້າຍນ້ອງ
*( ຂປລ): ກອງສິລະປະກອນແຫ່ງຊາດລາວ
ໄດ້ເຄື່ອນໄຫວແລກປ່ຽນບົດຮຽນ ທີ່ຮ່າໂນ້ຍ ສາທາລະ ນະລັດ ສັງຄົມນິຍົມຫວຽດນາມ
ແຕ່ວັນທີ 21 ເຖິງ 28 ທັນວາ 2010 ຜ່ານມາ
ໃນໂອກາດງານສັບປະດາວັດທະນະທຳ ລາວ.
ທ່ານ ຕ່ວນ ມ່ວນຈັນ, ຫົວຫນ້າອຳນວຍການ
ກອງສິລະປະກອນແຫ່ງຊາດລາວ ໄດ້ກ່າວ ວ່າ: ໃນແຕ່ ລະປີ ລາວ ແລະ ຫວຽດນາມ
ຈະມີການແລກປ່ຽນບົດຮຽນດ້ານວັດທະນະທຳ ຂອງສອງກະຊວງ ລະຫວ່າງ ກະຊວງຖະແຫລງຂ່າວ
ແລະ ວັດທະນະທຳລາວ ແລະ ກະຊວງວັດທະນະທຳ ກິລາ ແລະ ທ່ອງທ່ຽວ ຫວຽດ ນາມ ຊຶ່ງໄດ້
ຜັດປ່ຽນກັນຈັດ ຂຶ້ນ ໃນແຕ່ລະປະເທດຂອງໃຜລາວ.
ທ່ານ ຕ່ວນ ກ່າວວ່າ:
ຄະນະນັກສະແດງທີ່ໄດ້ເຄື່ອນໄຫວ ໃນງານສັບປະດາ ວັດທະນະທຳ ລາວ ໃນຄັ້ງນີ້
ລວມມີທັງຫມົດ 35 ຄົນ
ຊຶ່ງໄດ້ສະແດງ 3 ຄັ້ງ, ລວມມີ 14 ລາຍການ ໂດຍໄດ້ສະແດງຢູ່ຮ່າໂນ້ຍ 2 ຄັ້ງ ແລະ ຢູ່ ແຂວງບັ໋ກຢາງ 1 ຄັ້ງ. ໃນລະຫວ່າງການເຄື່ອນໄຫວສະແດງ
ແມ່ນໄດ້ຮັບຄວາມນິຍົມຊົມຊອບຈາກ ທ່ານຜູ້ຊົມ ທີ່ປະ ເທດຫວຽດນາມ
ເປັນຢ່າງດີຍິ່ງ. ສຳລັບລາຍການທີ່ນຳໄປສະແດງຄັ້ງນີ້ ເດັ່ນກວ່າຫມູ່ແມ່ນ
ລາຍການຟ້ອງນາງແກ້ວ, ເຊີ້ງບຸນບັ້ງໄຟ, ຟ້ອນບຸນປີໃຫມ່ລາວ, ຊີວິດ ບົນທ້ອງນາ
ການຫາປາຂອງປະຊາຊົນລາວ ທີ່ຢູ່ເຂດທ້ອງຖິ່ນ ແລະ ເພງ ມິດຕະພາບ ລາວ-ຫວຽດນາມ.
ไม่มีความคิดเห็น:
แสดงความคิดเห็น